A empresa galega Igalia, especializada en achegar servizos e solucións baseados en código aberto, segue adiante co seu compromiso a prol da formación en software libre e, en última instancia, o reforzamento do eido empresarial galego vinculado a este tipo de programación. É aí nesa liña de traballo onde se insire o Máster de Software Libre no que a empresa participa xunto coa Universidade Rey Juan Carlos e que chega arestora á súa segunda convocatoria. O programa formativo, que conta con Caixanova en labores de promoción e organización, vai orientado a acadar os seguintes obxectivos: capacitar aos alumnos para dirixir, avaliar e participar en proxectos de software libre do eido internacional e, amais, liderar iniciativas de liberación, desenvolvemento e publicación de programas abertos.

A conselleira de Vivenda e Solo, Teresa Táboas, durante a sinatura dun convenio de colaboración coa Universidade da Coruña para desenvolver un proxecto que facilitará o acceso dos cidadáns á información de vivenda.
A Consellería de Vivenda e Solo desenvolver coa Universidade da Coruña un programa informático para facilitar o acceso dos cidadáns a todas as liñas de axuda en materia de vivenda, incluíndo compravenda, aluguer e rehabilitación, así como ás actuacións de solo produtivo para optimizar a relación informativa coas empresas.
O programa informático permitirá coñecer en tempo real as vivendas dispoñibles en compravenda e aluguer, a súa ubicación xeográfica (e información visual do barrio no que se localizan e os seus servizos) e características da vivenda (incluíndo o prezo de venda ou aluguer) facilitando así a consulta por parte do cidadán.

O presidente da Xunta, Emilio Pérez Touriño, realizou unha visita ao Centro de Novas Tecnoloxías de Galicia

Fernando Blanco, falando por videoconferencia no novo Centro da RDSI de SadaFernando Blanco, conselleiro de Innovación e Industria, inaugurou hoxe o Centro de Dinamización da Sociedade da Información de Sada, que estará equipado con todos os elementos precisos para dar acceso á Internet sen fíos a todos os veciños da vila e contará con ordenadores con software libre en galego, así como equipamento para permitir a realización de videoconferencias, impresoras, proxector de vídeo e cámara fotográfica dixital.
Aparte das dotacións físicas, a nova aula de Sada conta con dúas persoas para exercer as labores de dinamización, desenvolvendo políticas de inclusión na sociedade da información e de desenvolvemento rural. De feito, dende xaneiro de 2007 a Rede de Dinamización vén levando a cabo no Concello de Sada unha serie de actividades coma obradoiros, charlas e cursos de formación que achegan aos máis desfavorecidos ás TIC, e que parecen ter unha importante demanda na vila, pois xa chegaron aos 255 usuarios rexistrados (entre os que predominan as mulleres).

O conselleiro de Innovación e Industria, Fernando Blanco, mailo presidente da Federación de Asociación de Enfermos de Galicia (FAEGA), Jesús Pascual, veñen de asinar un convenio de colaboración mediante o cal se porá en marcha o proxecto piloto Contigo na Rede, unha iniciativa que ten por obxecto a mellora da calidade de vida dos enfermos con insuficiencia renal crónica de Galicia mediante o uso das tecnoloxías da información e a comunicación.
O departamento de Fernando Blanco achegará 56.576 euros para o financiamento íntegro das actuacións do proxecto, que contará coa participación de 30 doentes en hemodiálise, diálise peritoneal e transplantados de diversas idades, niveis de dependencia e zonas xeográficas de Galiza (especialmente de zonas rurais).